बागलुङ । धौलागिरि अञ्चल अस्पताल बाग्लुङमा शव संरक्षण कक्ष स्थापना गरिएको छ । पोस्टमार्टमका लागि अस्पतालमा ल्याइने शव व्यवस्थापनका लागि एकैपटकमा चारवटा शव राख्न मिल्ने बाकस स्थापना गरिएको हो ।
संरक्षण कक्ष अभावमा केही दिन शव पोस्टमार्टम नहुँदा अस्पताल परिसर नै दुर्गन्धित हुने समस्या थियो । सोही समस्यालाई व्यवस्थापन गर्न शव संरक्षण कक्ष स्थापन गरेको अस्पतालका निमित्त मेडिकल सुपरिटेन्डेन्ट डा. शैलेन्द्र बी पोखरेलले जानकारी दिनुभयो ।
अस्पतालले पोस्टमार्टम कक्षसँगै शव भण्डारण कक्ष स्थापना गरेको छ । प्रदेश सरकारले अस्पताल विकासका लागि एक करोड ७० लाख बजेट विनियोजन गरेको थियो ।
सोहीमध्ये १३ लाखमा शव राख्ने बाकस ल्याएको धौलागिरि अञ्चल अस्पताल व्यवस्थापन समितिका अध्यक्ष केवी राना मगरले जानकारी दिनुभयो ।
२०७६ भदौ ११ गते प्रकाशित
वि.सं.२०७६ भदौ ११ बुधवार १२:०१ मा प्रकाशित
