काठमाडौं । नेपाल कम्युनिस्ट पार्टी (नेकपा)का सांसद विरोध खतिवडाले प्रतिनिधि सभाको शून्य समयमा बोल्दै रिङरोडमा जेब्रा क्रसिङ बनाउनुपर्ने माग राख्नुभएको छ ।
उहाँले यमराज देखाउन अविभावकले बच्चाहरूलाई रिङरोड लैजाने गरेको भन्दै सरकारलाई व्यङ्ग्य गर्नुभएको छ ।
उहाँले भन्नुभयो,‘सभामुखज्यू अहिले अभिभावकहरूले यमराज कहाँ छन भनेर देखाउनुर्पयो भने रिङरोडको छेउमा ल्याएर राख्दा रहेछन । दुई चार घण्टा उभ्याएपछि बच्चाहरूले यमराज देख्न पाउने ।’
जेब्रा क्रसिङ नभएकाले ट्राफिक नियम उल्लङ्घन हुनुका साथै मासिक ७ जनाको दुर्घटनामा मृत्यु भएको तथ्यांक देखाउँदै सरकारको ध्यानाकर्षण गराउनुभयो ।
तथ्यांक भयावह भएको भन्दै सरकारले तत्काल रिङरोडमा जेब्रा क्रसिङ बनाउनुपर्ने खतिवडाले माग गर्नुभयो ।
२०७६ भदौ १२ गते प्रकाशित
वि.सं.२०७६ भदौ १२ बिहीवार १५:०१ मा प्रकाशित
