काठमाडौं । शिक्षक सेवा आयोगले प्राथमिक तहको शिक्षकको खुल्ला प्रतिस्पर्धाको नतिजा आउँदो हप्तदेखि सार्वजनिक हुने भएको छ ।
माध्यामिक र निम्न माध्यामिक तहको नतिजा सार्वजनिक भएको महिना दिन पुग्न लाग्दा पनि प्राथमिक तहको नतिजा सार्वजनिक नभएको गुनासो प्रतिस्पर्धीहरुले गरिरहेका छन ।
आयोगका प्रशासकिय अधिकृत डा. तुलसी प्रसाद थपलियाका अनुसार लिखित परिक्षामा उत्तिण प्रतिस्पर्धीहरुका व्यक्तिगत विवरण रुजु गर्ने काम भइरहेको बताउनुभएको छ ।धेरै व्यक्तिको विवरण रुजु गर्नुपर्ने भएका कारण केही समय ढिला भएको उहाँले बताउनुभयो ।
आयोगले यो पटक प्रावि तहमा ९ हजार ९६ वटा दरवन्दीमा शिक्षक छनोटको लागि विज्ञापन गरेको थियो । ती सवै कोटाका लागि १४ हजार १२५ जना लिखित परिक्षाबाट छनोटमा परेको थपलियालय जानकारी दिनुभयो ।
आयोगले एकै पटक विज्ञापन गरेको निमावि तहका लागि १ हजार ५७४ र मावि तहका लागि एक हजार शिक्षक छनोट गरिसकेको छ ।
आयोगले रुजु गर्ने काम करिव सकिएकाले सकेसम्म यसैसातामा नतिजा सार्वजनिक गर्ने तयारी गरेको छ ।
२०७६ भदौ १५ गते प्रकाशित
वि.सं.२०७६ भदौ १५ आइतवार ०९:२५ मा प्रकाशित
