काठमाडौं । निरन्तर ओरालो लाग्दै आएको सेयर बजार मंगलबार (आज) भने बढेको छ । नेप्से २०.५७ अंकले बढेर ११९०.९० अंकमा पुगेको छ।
उक्त दिन म्यूचुअल फन्ड र अन्य समूहको उपसूचकमा गिरावट आएपनि अन्य ११ समूहको उपसूचक बढेकाले नेप्से उकालो लाग्न पुगेको हो ।
सबैभन्दा बढी जीवन बिमा कम्पनी समूहको उपसूचक १४५.५ अंकले बढन पुग्यो । त्यस्तै निर्जीवन बिमा कम्पनी समूहको उपसूचक १२३.५३ अंकले र बैंक समूहको उपसूचक १८.९८ अंकले बढेको छ । उक्त दिन ५१ करोड ५ लाख रुपैयाँ बराबरको सेयर कारोबार भएको छ ।
उक्त दिन नेपाल बंगालादेश बैंकको संस्थापक सेयर सबैभन्दा बढी ५ करोड ७२ लाख रुपैयाँ बराबरको सेयर कारोबार भएको छ । दोस्रो बढी रकमको सेयरको कारोबार नेपाल बैंकको भएको छ । उक्त बैंकको ३ करोड २९ लाख रुपैयाँ बराबरको सेयर कारोबार भएको छ ।
तेस्रो बढी सेयर कारोबार हुनेमा नेपाल लाइफ इन्स्योरेन्सको सेयर रहेको छ । उक्त इन्स्योरेन्सको २ करोड २० लाख रुपैयाँ बराबरको सेयर कारोबार भएको छ ।
२०७६ भदौ १७ गते प्रकाशित
वि.सं.२०७६ भदौ १७ मंगलवार १५:४३ मा प्रकाशित