काठमाडौं । घोडिघोडा लघुवित्त वित्तीय संस्थाको आइपीओ मंगलबार नेप्सेमा सूचीकृत भएको छ । घोडिघोडाले २ लाख ७६ हजार २५० कित्ता सेयर सूचीकृत गराएको हो ।
कम्पनीले आइपीओ सहित चुक्ता पुँजीको आधारमा कायम भएको सेयर सूचीकरण गराएको हो । लघुवित्तले गत असार २० देखि २४ गतेसम्म कुल १ लाख ३२ हजार ६०० कित्ता सेयर निष्कासन गरेको थियो ।
लघुवित्तको सेयर बुधबारबाट नेप्सेमा कारोबार सुरु हुनेछ । कञ्चनपुरको बेलौरीमा केन्द्रीय कार्यालय रहेको यस कम्पनीले १० जिल्लामा कार्यक्षेत्र बनाएको छ ।
२०७६ भदौ १७ गते प्रकाशित
वि.सं.२०७६ भदौ १७ मंगलवार १५:५८ मा प्रकाशित