काठमाडौं । जापानले नेपाली कामदार लैजाने प्रक्रिया औपचारिक रुपमा सुरु गरेको छ । यसका लागि जापानको स्वास्थ्य, श्रम तथा कल्याणकारी मन्त्रालयले परिक्षाको मिति, विषयवस्तु लगायतका विषय सार्वजनिक गरेको हो ।
जस अनुसार नेपालमा आगामी अक्टोवर २७ देखि २९ सम्म, नोभेम्वर ५ देखि ७ सम्म तथा नोभेम्वर १२ देखि १४ सम्म तीन चरणमा पहिलो चरणको नर्सिङ केयरको सीप परिक्षा हुने छ ।
हेर्नुहोस् यस्तो छ नमुना प्रश्नपत्र [pdf-embedder url=”http://www.arthatantra.com/wp-content/uploads/2019/09/japan-qestions-1.pdf” title=”japan- qestions 1″]
सीप परिक्षा एक घण्टाको हुनेछ । त्यस अवधिमा ४५ वटा प्रश्न सोधिने र त्यसमध्ये ४० प्रश्नको लिखित परिक्षा हुनेछ । पाँच वटा प्रश्न रहने प्रयोगात्मक परिक्षामा कम्प्यूटरको माध्यमबाट जाँच हुनेछ । नतिजा परिक्षा भएको एक महिना पछि हुने र उत्तिर्ण हुन न्यूनतम ६० अंक प्राप्त गरेको हुनुपर्ने मन्त्रालयले जनाएको छ ।
हेर्नुहोस् यस्तो छ नमुना प्रश्नपत्र[pdf-embedder url=”http://www.arthatantra.com/wp-content/uploads/2019/09/japan-qestions-2.pdf” title=”japan- qestions 2″]
यसैगरी जापानी भाषा परिक्षा आधा घण्टाको हुनेछ । दुई–दुई मिनेटका १५ वटा प्रश्न सोधिनेछन। तीन खण्डमा बाँडिएको भाषा परिक्षाका १५ वटा प्रश्न हरेक खण्डमा पाँच–पाँच वटाका दरले सोधिनेछ । भाषा परिक्षाको शुल्क तथा र सीप परिक्षण दुवैको परिक्षा शुल्क एक–एक हजार येन गरी दुई हजार येन तोकिएको छ ।
हेर्नुहोस् यस्तो छ नमुना प्रश्नपत्र[pdf-embedder url=”http://www.arthatantra.com/wp-content/uploads/2019/09/japan-qestions-3.pdf” title=”japan- qestions 3″]
नेपाल र जापानवीच यसअघि भएको सहकार्यको सहमति(एमओसी) अनुसार नेपाली कामदारले जापानमा जापानी नागरिक सरह सेवा सुविधा पाउने उल्लेख छ ।
आवेदनका लागि कामदारले सब्स्क्रिप्सन फर्म भरेपछि क्षेत्रीय अध्यागमन विभागमा आवेदन दिन सक्नेछन् । यस्तो आवेदन अनलाइनमार्फत् दिनुपर्नेछ । आवेदन दिनका लागि www.kyoukai-shinsei.net/GetAccount मा गएर फारम भर्नुपर्ने हुन्छ ।
सुरुमा आवेदन दिनेले नै परीक्षामा सहभागी हुने मौका पाउने बताइएको छ । यस्तो आवेदन दिन नेपालमा रहेको जापानी दूतावास र जापान फाउन्डेसनले तोकेको नेपालस्थित कार्यालयबाट प्रक्रिया पूरा गर्नुपर्नेछ ।
नमुना प्रश्नपत्र हेर्न यहाँ क्लिक गर्नुहोस्[pdf-embedder url=”http://www.arthatantra.com/wp-content/uploads/2019/09/japan-qestions4.pdf” title=”japan- qestions4″]
२०७६ भदौ १८ गते प्रकाशित
वि.सं.२०७६ भदौ १८ बुधवार १४:५२ मा प्रकाशित