काठमाडौं । दसैंमा यात्रु नठगिउन् भनेर सरकारले राजधानीका विभिन्न स्थानमा यात्रु सेवा कक्ष स्थापना गर्ने भएको छ। यातायात व्यवस्था विभागका महानिर्देशक गोगनबहादुर हमालले यात्रुलाई सेवा दिन असोज १० गतेदेखि १८ गतेसम्म सेवा कक्ष राख्ने बताउनुभयो ।
काठमाडौंका स्वयम्भू, नयाँ बसपार्क, माछापोखरी, कलंकी, नागढुंगा, बल्खु, कोटेश्वर, गौशाखा, चाबहिल, सुन्धारा, पुरानो बसपार्क, फर्पिङ, ललितपुरको सातदोबाटो र भक्तपुरको जगातीमा सेवा कक्ष राखिनेछ।
केन्द्रमा यातायातका कर्मचारी, ट्राफिक प्रहरी, सामुदायिक प्रहरी र उपभोक्ता हितका सम्बन्धमा कार्य गर्ने संस्थाका प्रतिनिधि रहनेछन्। यसलाई सरकारले ुनागरिक सहायता हेल्प डेस्कु नाम दिएको छ।
महानिर्देशक हमालका अनुसार बढी भाडा लिन नदिने, भीडभाड हुन नदिने, ठगी र दुर्व्यवहारका घटनामा सहायता गर्ने लगायतका काम कक्षले गर्नेछ।
२०७६ भदौ १८ गते प्रकाशित
वि.सं.२०७६ भदौ १८ बुधवार १६:५३ मा प्रकाशित
