राजेशचन्द्र राजभण्डारी, बागलुङ । श्री राधाकृष्ण मन्दिर सेवा समितिको छैठो बार्षिक साधारणसभा तथा तेस्रो अधिवेशन बिहीवार सम्पन्न भएको छ ।
अधिवेशनको उद्घाटनपछि बोल्दै राधाकृष्ण मन्दिर सेवा समितिका प्रधान संरक्षक एंवम श्री १००८ स्वामी ज्ञानानन्द सरस्वतीले हाम्रो धर्म संस्कृति माथि प्रहार भएकाले अव चुप लागेर बस्न नमिल्दैन आइ लागे तरबार बोकेर बाहिर निस्कनु पर्ने धारणा राख्नुभयो ।
हाम्रो धर्म संस्कृति सबै नासिए के को लागि हामी के भनेर बस्ने अब त्यस्तो अबस्थामा घर–घर बाट लाठी लिएर आउनु पर्ने उहाँले बताउनुभयो । जुन क्षेत्र न्याय छैन देवालय शिवालय नभएको ठाउँमा कोही पनि बस्न योग्य नहुने धारणा व्यक्त गर्नुभयो ।
अहिले धार्मिक संस्कार र संस्कृतिको अभाव हुदै गइरहेको छ अहिले साधु सन्त आउदा बस्ने खाने ठाउँको समेत अभाव बन्दै गइरहेको उहाँले बताउनुभयो ।
राधाकृष्ण मन्दिर सेवा समितिका सचिव हरिप्रसाद शर्माले प्रगति र आर्थिक प्रतिवेदन प्रस्तुत गर्नुभएको कार्यक्रममा समाजमा उल्लेख्य योगदान दिएका टीकाराम सापकोटा र सुश्री हरिमाया श्रेष्ठलाई प्रमाणपत्र र दोसल्ला ओढाएर सम्मान गरिएको थियो ।
कार्यक्रममा कालीका भगवती गुठी ब्यबस्थापन समितिका अध्यक्ष राजु खड्का, सम्मानित ब्यक्तित्व टीकाराम सापकोटा, श्री सत्य साई केन्द्रका अध्यक्ष मनमाया श्रेष्ठ, केशव वझा लगायतका बोल्नुभएको थियो ।
कार्यक्रममा बोल्ने वक्ताहरुले हिन्दू धर्मावलम्बीविच समन्वय गरेर जान नसकेको कारणले पनि हिन्दु धर्म माथि अनेकन प्रहार हुदै गएको हुदा यसलाई रोक्न जरुरी रहेको धारणा व्यक्त गरेका थिए ।
रमेश कुमार राजभण्डारीको अध्यक्षता, उपाध्यक्ष लालचन्द्र राजभण्डारीको स्वागत र सचिव हरिप्रसाद शर्माको संचालनमा कार्यक्रम सम्पन्न भएको थियो । समितिको नयाँ नेतृत्व केही समयमा नै चयन गर्ने बताइएको छ ।
२०७६ भदौ १९ गते प्रकाशित
वि.सं.२०७६ भदौ १९ बिहीवार १७:१८ मा प्रकाशित
