काठमाडौं । पत्रकार शालिकराम पुडासैनी आत्महत्या प्रकरणमा टेलिभिजन प्रस्तोता रवि लामिछानेसहित तीनै जनालाई पुर्पक्षका लागि हिरासतमा राखेर अनुसन्धान गर्न माग गर्दै सरकारी वकिलको कार्यालय हेटौंडाका वकिल पाटन उच्च अदालत पुगेका छन् ।
आत्महत्या प्रकरणका आरोपी रवि लामिछाने, युवराज कँडेल र अस्मिता कार्कीलाई जिल्ला अदालत चितवनको धरोटीमा छाड्ने निर्णय नमिलेको दावी गर्दै सोमबार उच्च अदालत पाटन, हेटौंडा इजलासमा उच्च सरकारी वकिलको कार्यालय हेटौंडाले रिट निवेदन दिएको उच्च अदालका रजिष्ट्रार विकास श्रेष्ठलाई उधृद गर्दै दैनिकी डकटकमले समाचार लेखेको छ । मुद्दा मंगलबार नै पेशीमा चढ्ने भएको छ ।
जिल्ला अदालतचितवनका न्यायाधीश हेमन्त रावलले रविलाई ५ लाख, कँडेललाई ३ लाख र कार्कीलाई साधारण तारेखमा छाड्ने आदेश दिएको थियो ।
लामिछाने पनि केही दिन पहिले आफैं हेटौंडा इजलास पुगेका थिए । उनको मुद्दामा उच्च अदालतले कैफियत प्रतिवेदन माग गर्ने आदेश गरेको छ ।
२०७६ भदौ २३ गते प्रकाशित
वि.सं.२०७६ भदौ २३ सोमवार २२:३५ मा प्रकाशित
