चुनावमा होमियो नेकपाः दल दर्ताको जिम्मा महासचिव पौडललाई

काठमाडौं । नेपाल कम्युनिष्ट पार्टी (नेकपा)ले उपनिर्वाचनमा दल दर्ता गर्ने जिम्मा महासचिव विष्णु पौडेललाई दिएको छ । नेकपाको बुधबार बसेको सचिवालय बैठकले दल दर्ताको जिम्मा महासचिव पौडेललाई दिएको हो ।

निर्वाचन आयोगले आउँदो मंसिर १४ गते हुने संघ, प्रदेश र स्थानीय तहको उपनिर्वाचनका लागि दल दर्ताको लागि भदौ मसान्तसम्म म्याद दिएको छ ।

विभिन्न कारणले रिक्त रहेका संघ, प्रदेश र स्थानीय तहको ५१ पदमा उपनिर्वाचन हुँदैछ । निर्वाचन आयोगले २०७४ सालमा सम्पन्न संघ, प्रदेश र स्थानीय तहको निर्वाचनमा भाग लिएका राजनीतिक दल बाहेकलाई उपनिर्वाचनको प्रयोजनका लागि दल दर्ताका लागि आह्वान थियो ।

२०७४ सालको निर्वाचनमा भाग लिएका राजनीतिक पार्टीले भने दल दर्ता गर्नु नपर्ने भएता पनि नेकपा एमाले र माओवादी केन्द्रको एकीकरणबाट पछि बनेको हुनाले पुन दर्ता गर्नु पर्ने भएको हो ।

दल दर्ताका लागि राजनीतिक दलले आफ्नो वार्षिक लेखा परीक्षण प्रतिवेदन अनिवार्य रुपमा बुझाउनुपर्नेछ । दर्ता गर्दा राजनीतिक पार्टीले आफ्नो विधान, नियमावली, घोषणा पत्र, निर्वाचन चिन्ह पनि निवेदनसँगै पेश गर्नुपर्नेछ ।

२०७६ भदौ २५ गते प्रकाशित

२०७६ भदौ २५ गते १८:२९ मा प्रकाशित

You can share this post!

शिक्षक सेवा आयोगले गर्यो लाईसेन्सको परिक्षा केन्द्र सार्वजनिक

गर्जुधारामा 'दोस्रो चन्द्रागिरी मेयर कप तथा दशौं राष्ट्रिय शिन क्योकुसिन कराते प्रतियोगिता' हुने

Related posts