काठमाडौं । एभरेष्ट बैंकले असोज २६ गतेदेखि म्याग्नेटिक स्ट्रिप प्रविधिमा आधारित कार्डहरु बन्द गर्ने भएको छ । सुरक्षाका हिसाबले कमजोर हुने भन्दै बैंकले म्याग्नेटिक स्ट्रिप कार्डको सट्टा चिप कार्ड लिन आफ्ना ग्राहलाई आग्रह गरेको छ ।
हालैमात्र चिनियाँ ह्याकरहरुले विभिन्न बैंकका एटीएम ह्याक गरी करोडौं रुपैयाँ लुटेका थिए । त्यसपछि बैंकले थप सुरक्षा सतर्कता अपनाउन लागेको हो ।
नयाँ कार्ड लिनका लागि एभरेष्टले ग्राहकहरुलाई आफूलाई पायक पर्ने शाखामा सम्पर्क गर्न भनेको छ। यस्तै, बैंकले कार्ड प्रयोगका लागि एसएमएस अलर्ट सेवा अनिवार्य भएकाले आफ्नो वास्तविक मोबाइल नम्बर पनि दर्ता गर्न भनेको छ ।
चिप कार्डबाटको कारोबारलाई अन्तराष्ट्रिय स्तरमै सुरक्षित मानिन्छ ।
२०७६ भदौ २६ गते प्रकाशित
वि.सं.२०७६ भदौ २७ शुक्रवार १५:५२ मा प्रकाशित