राजेशचन्द्र राजभण्डारी, बागलुङ । बागलुङ नगरपालिकाका नगर प्रमुख जनकराज पौडेलले अहिले देखिएको खानेपानीमा अनियमितता भएको बारे जुन खबर बाहिर आएको छ त्यो सहि र वास्तविक नभएको बताउनुभयो ।
धौलागिरि संचार क्लब बागलुङले आयोजना गरेको समसामयिक साक्षात्कार कार्यक्रमको ३८ औ श्रृङखलामा नगरपालिकाका नगर प्रमुख पौडेलले खानेपानीमा जुन कुरा बाहिर आएका छन् त्यसबारे सत्य तथ्य बिल भरपाइ मगाएर हेरिरहेको जानकारी गराउनुभयो ।
जिल्लामा निश्चित दर रेट भएको हुदा त्यो भन्दा तल माथि गर्न नसक्ने यसको काम खानेपानी डिभिजन कार्यालयले हेरिरहेको पौडेलले बताउनुभयो । अहिलेसम्म खानेपानी योजनाको बिल भुक्तानी नभएको पौडेलले जानकारी गराउनुभयो ।
बागलुङ नगरपालिकाले पर्वतको पाङ जोड्ने एशियाकै लामो झोलुङ्गेपुल निर्माण कार्य समेत तिब्रगतिमा बनिरहेको नगर प्रमुख पौडेलले जानकारी गराउनुभयो ।
बागलुङ नगर क्षेत्र भित्र आन्तरिक तथा बाह्य पर्यटक भित्र्याउनको लागि पुर्वाधार तयार गरिरहेको त्यसको जिम्मेवारी निजी क्षेत्र लाई दिएर राम्रो बनाउने काम गरिरहेको पौडेलले बताउनुभयो ।
बागलुङको पन्चकोट भकुण्डे लगायतका ठाउँमा पर्यटन केन्द्र बनाउन नगरपालिका लागि परेको अहिले नगरमा विदेशी पर्यटक समेत आउन थालेको पौडेलले बताउनुभयो ।
२०७६ भदौ २९ गते प्रकाशित
वि.सं.२०७६ भदौ २९ आइतवार १६:३१ मा प्रकाशित