काठमाडौं । सानिमा बैंक पोखरा शाखाले विद्यालय खाजा अभियानका लागि एक विद्यालयलाई ६ लाख रुपैयाँ आर्थिक सहयोग प्रदान गरेको छ ।
दैनिक १२५ भन्दा बढी बालबालिकहरुलाई खाजा खुवाउदै आइरहेको पोखराको कालिका माध्यामिक विद्यालयद्वारा संचालित उक्त अभियानलाई बैंकले आर्थिक सहयोग गरेको हो ।
विद्यालयले बाल दिवसको अवसरमा आयोजित एक कार्यक्रममा यस बैंकका गण्डकी प्रदेश प्रमुख श्री भावुक तण्डुकारले विद्यालयको प्रधानाध्यापक बलराम गिरीलाई रकम हस्तान्तर गर्नुभएको थियो ।
सोही अवसरमा विद्यालय खाजा अभियानका अध्यक्ष श्री बासुदेव अधिकारीले खाजा अभियानको प्रभावले त्यस विद्यालमा उल्लेखनिय विद्यार्थी भर्ना भएको र शैक्षिक गुणस्तरमा सुधार आएको जानकारी गराउनुभयो ।
बैंकका शाखा प्रबन्धक बिरेन्द्र लाल श्रेष्ठले भविष्यका कर्णधारहरु शिक्षाको उज्यालो ज्योतिबाट बञ्चित नहुन भनि विद्यालयको यस्तो महान सामाजिक कार्यलाई आर्थिक सहयोग गर्ने अवसर दिएकोमा खुशी व्यक्त गर्नुभयो ।
सानिमा बैंकले सामाजिक उत्तरदायित्वलाई बहन गर्दै विगत ७ बर्ष देखि सम्पुर्ण उपत्यका बाहिरका शाखाहरुबाट हरेक बर्ष २ जना विद्यार्थीलाई छात्रवृत्ती प्रदान गर्दै आइरहेको छ ।
साथै शैक्षिक क्षेत्रमा थप योगदान दिन Teach For Nepal संस्थालाई पनि आर्थिक सहयोग गरेको छ । त्यसै गरि बैंकले विभिन्न मितिमा प्रत्येक शाखाहरुवाट सामाजिक उत्तरदायित्व अन्तर्गत विभिन्न कार्यहरु गर्दै आइरहेको छ ।
सानिमा बैंकका सात वटै प्रदेशमा हाल ७९ वटा शाखा, १ एक्सटेन्सन काउन्टर र ७५ वटा ए.टि.एम. रहेका छन ।
२०७६ भदौ ३१ गते प्रकाशित
वि.सं.२०७६ भदौ ३१ मंगलवार १२:४२ मा प्रकाशित