काठमाडौं । एनएलजी इन्स्योरेन्स कम्पनी लिमिटेडले हकप्रद निष्कासन गर्न नेपाल धितोपत्र बोर्डसँग अनुमति मागेको छ ।
कम्पनीले भदौ २४ गते १० बराबर ६ को अनुपातमा ३८ लाख ४२ हजार ४३७ दशमलव ५० कित्ता हकप्रद जारी गर्न बोर्डसँग अनुमति मागेको हो ।
गत असार मसान्तभित्र बीमा समितिले निर्जीवन बीमा कम्पनीलाई रू. १ अर्ब चुक्तापूँजी र्पुयाउन निर्देशन दिएको थियो ।
यस व्यवस्था बमोजिम कम्पनीले हकप्रद शेयर जारी गरी सो पूँजी कायम गर्न लागेको हो ।
हाल कम्पनीको चुक्तापूँजी रू. ६४ करोड ४ लाख रहेको छ । कम्पनीको हकप्रद वितरणपछि पूँजी रू. १ अर्ब २ करोड ४६ लाख ४९ हजार पुग्नेछ । कम्पनीको विक्री प्रबन्धकमा लक्ष्मी क्यापिटल लिमिटेड रहेको छ ।
२०७६ भदौ ३१ गते प्रकाशित
वि.सं.२०७६ भदौ ३१ मंगलवार १३:०७ मा प्रकाशित
