काठमाडौं । सिभिल लघुवित्त वित्तीय संस्थाले १० प्रतिशत लाभांश दिने घोषणा गरेको छ । कम्पनीको आइतबार बसेको सञ्चालक समिति बैठकले आर्थिक वर्ष २०७५–७६ को नाफाबाट ५ प्रतिशत बोनस र ५ प्रतिशत नगद गरी कुल १० प्रतिशत लाभांश दिने निर्णय गरेको हो ।
यसर्थ, कम्पनीले ५७ लाख ५ हजार ७०० रुपैयाँ बराबरको बोनस वितरण गर्नेछ । यस्तै, ५७ लाख ५ हजार ७०० रुपैयाँ नै नगद लाभांश बाँड्नेछ ।
सञ्चालक समितिको निर्णय अनुमोदनका लागि नेपाल राष्ट्र बैंक र आगामी वार्षिक साधारण सभामा पेश गरिने सिभिलले जनाएको छ । अघिल्लो वर्ष सिभिलले ४ प्रतिशत बोनस सेयर र ३.५ प्रतिशत नगद गरी कूल ७.५ प्रतिशत लाभांश दिएको थियो ।
हाल कम्पनीको चुक्ता पुँजी ११ करोड ४१ लाख १४ हजार रुपैयाँ रहेको छ । अहिले घोषणा गरेको बोनस सेयरपछि भने पुँजी ११ करोड ९८ लाख १९ हजार ७०० रुपैयाँ पुग्नेछ ।
कम्पनीले गत आर्थिक वर्षको चौथो त्रैमासमा १ करोड ६३ लाख ८८ हजार रुपैयाँ खुद नाफा कमाएको छ । प्रतिसेयर आम्दानी १४ रुपैयाँ ३६ पैसा रहेको सिभिलको प्रतिसेयर नेटवर्थ ११८ रुपैयाँ ६३ पैसा छ ।
२०७६ असोज ०६ गते प्रकाशित
वि.सं.२०७६ असोज ६ सोमवार ११:५४ मा प्रकाशित