काठमाण्डौं । वायुसेवा कम्पनी श्रीएयरलाइन्सले घटस्थापनादेखि ज्येष्ठ नागरिकलाई हवाई भाडादरमा ५० प्रतिशत छुट दिने भएको छ ।
कम्पनीले ८५ वर्षमाथिका ज्येष्ठ नागरिकलाई पाँच सय रुपैयाँमै उडान सेवा दिने छ । ७५ वर्ष माथिका सर्वसाधरणलाई फ्युल सरचार्ज र ट्याक्स बाहेक ५० प्रतिशत छुट दिने कम्पनीका प्रवक्ता अनिल मानन्धरले जानकारी दिनुभयो ।
अघिपछिको तुलनामा चाडवाडमा यात्रुको चाप बढी देखिन्छ भने भाडादर पनि तुलनात्मक रुपमा बढि हुन्छ । यो अवस्थामा हामीले ज्येष्ठ नागरिकलाई सम्मान गर्दै स्किम ल्याएको उहाँले जानकारी दिनुभयो ।
उहाँका अनुसार घटस्थापनादेखि सुरु हुने स्किम छठसम्म लागू हुनेछ । प्रत्येक उडानमा दुई जनाले यो स्किम अन्तर्गत सेवा लिन सक्ने कम्पनीले जनाएको छ ।
२०७६ असोज ०६ गते प्रकाशित
वि.सं.२०७६ असोज ६ सोमवार १४:३४ मा प्रकाशित