काठमाण्डौं । अपर नौगाड जलविद्युत् आयोजनाबाट विद्युत उत्पादन सुरु भएको छ । अपि पावर कम्पनी लिमिटेडले आफ्नो दोस्रो परियोजना ८ मेगावाटको अपर नौगाड जलविद्युत आयोजना निर्माण सम्पन्न गरी असोज ६ गते देखी सफल परिक्षण कार्य सम्पन्न गरेको हो ।
परिक्षण प्रसारण पुरा गरेपश्चात् यो आयोजनाले असोज १० गते देखि राष्ट्रिय ग्रिडमा विद्युत प्रवाह गर्ने अनुमान गरिएको छ । १६० करोड कुल लागत रहेको यस आयोजनाले २०७३ असोज १२ मा विद्युत खरिद बिक्री सम्झौता गरेको थियो । यस आयोजनाबाट बार्षिक प्रतिघण्टा ४.८७ करोड किलोवाट विद्युत उत्पादन गर्ने अनुमान रहेको छ । जसमध्ये सुख्खा महिनामा १.१४ करोड र बर्षातका चार महिनाहरुमा ३.७५ करोड घण्टा किलोवाट विद्युत उत्पादन हुनेछ ।
यस आयोजनाबाट उत्पादन हुने विद्युत शक्ति, नेपाल विद्युत प्राधिकरणले निर्माण गर्ने अत्तरिया वलाँच सव स्टेशन मार्फत राष्ट्रिय ग्रिडमा प्रवाह गरिने बताइएको छ । यसबाट सुदुरपश्चिम प्रदेशमा भरपर्दो विद्युत आपुर्ति हुने विश्वास कम्पनीले लिएको छ ।
२०७६ भदौ ०७ गते प्रकाशित
वि.सं.२०७६ असोज ७ मंगलवार १४:३८ मा प्रकाशित