काठमाडौं । एनआइसी एशिया बैंकले प्रस्तावित २१ दशमलव ०५ प्रतिशत लाभांश शुक्रवार पारित गर्दैछ । बैंकले शुक्रवार वार्षिक साधारण सभा आयोजना गरी लाभांश पारित गर्न लागेको हो ।
साथै गत आव २०७५/७६ को वार्षिक प्रतिवेदन पारित, चालू आर्थिक वर्षको लागि लेखापरीक्षक नियुक्ती लगायत प्रबन्धपत्र र नियामावली संशोधनको प्रस्ताव समेत सभामा पेश हुनेछ ।
बैंकले अन्य कुनै बैंक तथा वित्तीय संस्था प्राप्ती गर्न आवश्यक कामका लागि सम्पूर्ण अख्तियारी सञ्चालक समितिलाई प्रदान गर्ने विषय सभामा पारित गर्ने जानकारी दिएको छ ।
सभा प्रयोजनका लागि बैंकले भदौ २९ गतेदेखि बुक क्लोज गरेकाले भदौ २८ गतेसम्म कायम सदस्यहरु मात्र सभामा भाग लिन र लाभांशको हकदार हुन सक्नेछन। सभा बिहान ९ बजे आर्मी अफिसर्स क्लव, भद्रकालीमा शुरु हुनेछ ।
२०७६ असोज ०९ गते प्रकाशित
वि.सं.२०७६ असोज ९ बिहीवार १३:३३ मा प्रकाशित
