काठमाडौं । शिक्षा सेवा आयोगले लिने माध्यमिक तहको शिक्षक अध्यापन अनुमती पत्रको परिक्षामा प्रश्नपत्रमै उत्तर भेटिएपछि शुक्रबार गुल्मीमा ४० मिनेट परीक्षा स्थगित गरिएको छ ।
रेसुङ्गा बहुमुखी क्याम्पस क केन्द्रमा अङ्ग्रेजी विषयको समूह घ को वस्तुगत प्रश्नको वैकल्पिक सहि उत्तर स्पष्ट देखिने गरि गाढा अक्षरमा आएपछि परीक्षा स्थगित गरि पुन परीक्षा गराइएको केन्द्राध्यक्ष राम बहादुर थापाले जानकारी दिनुभयो ।
आयोगले जाँच गर्दा आवश्यक पर्ने उत्तर कुञ्जिका आएपछि आयोगकै अनुमतिमा पुनः परीक्षा गराइएको केन्द्राध्यक्ष थापाले बताउनुभयो ।
नेपालभरका ७७ जिल्लाका ५५ केन्द्रमा यहि समस्या आएको उहाँले बताउनुभयो । सोहि केन्द्रमा अन्य प्रश्नपत्रहरू ठिक भएकोले तोकिएकै समयमा परीक्षा संचालन भएको छ ।
शिक्षक सेवा आयोगले प्राथमिक तह, माध्यमिक तह र निम्न माध्यमिक तहको परीक्षा बिहीबारदेखि परीक्षा लिइरहेको छ ।-नयाँ पत्रिका अनलाइनबाट
२०७६ असोज १० गते प्रकाशित
वि.सं.२०७६ असोज १० शुक्रवार १४:०५ मा प्रकाशित
