काठमाडौं । आसन्न बडादशैंलाई मध्य नजर गर्दै एक साताका लागि बाटो इजाजतपत्र(रुट परमिट) खुला गरिएको छ ।
दशैंका लागि घर जाने यात्रुको यात्रा सहज र व्यवस्थित बनाउन सार्वजनिक यात्रुवाहक सवारीसाधनका लागि बाटो इजाजतपत्र खुला गरिएको हो ।
सरकारले यही असोज १९ गतेसम्मका लागि एउटा रुटको अनुमति लिएको सवारीसाधन देशका जुनसुकै रुटमा चल्ने गरी खुला गरेको हो ।
आइतवारैदेखि १० चक्के वा सोभन्दा बढी चक्का भएका ठूला मालवाहक सवारीसाधन चितवनको नारायणघाटदेखि काठमाडौं आगमनमा रोक लगाइएको यातायात व्यवस्था विभागले बताएको छ ।
खाद्यान्न सामग्री, लत्ताकपडा, औषधि, तरकारी, मासुजन्य पदार्थ लगायतमा भने सो नियम लागू हुने छैन ।
२०७६ असोज १३ गते प्रकाशित
वि.सं.२०७६ असोज १३ सोमवार ११:११ मा प्रकाशित
