काठमाडौं । ग्लोबल आइएमई बैंकले २५.५% लाभांश दिने घोषणा गरेको छ । बैंकको मंगलबार बसेको सञ्चालक समिति बैठकले आर्थिक वर्ष २०७५/७६ को नाफाबाट १२.५% बोनस र १२.५% नगद गरी कुल २५.५% लाभांश दिने निर्णय गरेको हो ।
सञ्चालक समितिको निर्णय अनुमोदनका लागि नेपाल राष्ट्र बैंक र आगामी वार्षिक साधारण सभामा पेश गरिने ग्लोबलले जनाएको छ ।
बैंकले १ अर्ब २८ करोड ८८ लाख १४ हजार रुपैयाँ बराबरको बोनस वितरण गर्नेछ । त्यस्तै, सोही बराबरको रकम नगद बाँड्नेछ । अघिल्लो वर्ष बैंकले १६% बोनस सेयर वितरण गरेको थियो ।
हाल ग्लोबलको चुक्ता पुँजी १० अर्ब ३१ करोड ५ लाख १५ रुपैयाँ छ । बोनस सेयरपछि भने पुँजी ११ अर्ब ५९ करोड ९३ लाख रुपैयाँ पुग्नेछ ।
चुक्ता पुँजी बढाउने अभियानमा रहेको ग्लोबलले हाथवे फाइनान्सलाई एक्वायर गरी भदौ १८ गतेदेखि एकीकृत कारोबार सुरु गरिसकेको छ । यस्तै, ग्लोबल आइएमई र जनता बैंक पनि आपसमा मर्ज हुने तयारीमा जुटेका छन ।
२०७६ असोज १४ गते प्रकाशित
वि.सं.२०७६ असोज १४ मंगलवार ११:३१ मा प्रकाशित