काठमाडौं । यौन दुराचारको आरोप लागेका कृष्णबहादुर महराले सभामुख पदबाट दोस्रो राजीनामा पत्र बुझाएका छन। उनले मंगलबार पुनस् सभामुखको जिम्मेवारीमा फर्कन सक्ने शर्तसहितको राजीनामा दिएका थिए ।
महराले आफ्ना स्वकीय सचिवमार्फत पठाएको पहिलो राजीनामा पत्र उपसभामुख शिवमाया तुम्वाहाङ्फेले लिन मानेकी थिइन ।
उनले महराको स्वकीय सचिवलाई दोहोर अर्थ लाग्ने शब्द हटाएर राजीनामा लेख्न लगाएको उप सभामुखको निकट स्रोत जानकारी दिएको छ ।
स्रोतका अनुसार महराले पहिला बुझाएको राजीनामा पत्र उपसभामुखले लिन नमानेपछि सोही मितिमा दोस्रो राजीनामा पत्र पठाएका हुन।
यस्तै, संघीय संसद सचिवालयको वेभ साइटमाबाट कृष्णबहादुर महराको नाम हटाएको छ । उनीमाथि करणी गरेको आरोप लागेसँगै सभामुख पदमा रहेको नाम हटाएको हो ।
महराले मंगलबार दिउँसो उपसभामुख शिवमाया तुम्वाहाङ्फे समक्ष राजीनामा पत्र बुझाएका थिए । उपसभामुखले महराको पहिलो राजीनामा पत्र अस्वीकृत गरेपछि बुधबार दिउँसो सोही मितिमा दोस्रो राजीनामा पत्र बुझाएका थिए ।
२०७६ असोज १५ गते प्रकाशित
वि.सं.२०७६ असोज १५ बुधवार १८:१३ मा प्रकाशित