काठमाडौं । चिनियाँ राष्ट्रपति सी जिनपिङको शनिबार नेपालमा राजकीय भ्रमण हुने भएको छ ।
चिनियाँ राष्ट्रपति सी को स्वागतका लागि संघीय सरकारले आइतबार सार्वजनिक बिदा दिने जनाएको छ । बिहीबार बसेको मन्त्रिपरिषद् बैठकले गृह मन्त्रालयको सीको स्वागतका लागि आइतबार सार्वजनिक बिदा दिने भन्ने प्रस्तावलाई पारित गर्दै आइतबार सार्वजनिक छुट्टी दिने निर्णय गरेको हो ।
भारतीय प्रधानमन्त्री नरेन्द्र मोदी नेपाल आउँदा पनि सरकारले सार्वजनिक बिदाको घोषणा गरेको थियो । सरकारले विभिन्न देशका राष्ट्रप्रमुख तथा प्रधानमन्त्री आउँदा सम्मान स्वरूप सार्वजनिक बिदा दिने गरेको छ ।
२०७६ असोज २४ गते प्रकाशित
वि.सं.२०७६ असोज २४ शुक्रवार १३:१७ मा प्रकाशित
