काठमाडौं । नेपाल नागरिक उड्डयन प्राधिकरण (क्यान)ले कर्मचारी बोनसका लागि सवा अर्ब रुपैयाँ छुट्याएको छ । २०७६/७७ को बजेटमार्फत क्यानले एक अर्ब २६ करोड ३१ लाख रुपैयाँ बोनस दिने कार्यक्रम तय गरेको छ ।
क्यानले गत साता सार्वजनिक गरेको ४६ अर्ब ९६ करोड ५० लाख ९९ हजार ९९४ रुपैयाँ बजेटमा कर्मचारी बोनसमा सवा अर्ब खर्चिने उल्लेख छ ।
प्राधिकरणले यात्रुका लागि भने पाँच वर्ष अघिदेखि लागू गरेको अतिरिक्त एक हजार रुपैयाँको भारलाई निरन्तरता दिँदै कर्मचारीलाई बोनसको व्यवस्था गरेको हो ।
प्राधिकरणलाई सरकारले यावुसेवा सुविधाको निम्ति दिएको रकमलाई ऋण तिर्न प्रयोग गरेको र अन्य आम्दानी भने जोगाएर संस्था नाफामा देखाउँदै बोनस बाँड्न लागेको छ । -अन्नपुर्णपोष्टबाट
२०७६ असोज २६ गते प्रकाशित
वि.सं.२०७६ असोज २६ आइतवार १३:१५ मा प्रकाशित