२०७६ असोज २७ गते प्रकाशित
धनुषा । राष्ट्रिय जनता पार्टी (राजपा)का सांसद प्रमोदकुमार साहले जनकपुर विमानस्थलमा तोडफोड गरेका छन । सांसद साहले जहाजको उडान ढिलो भएको भन्दै विमानस्थलमा बुद्ध एयरको काउण्टर तोडफोड गरेका हुन ।
सांसद साहले बिरामीको विषयलाई विमानस्थल तोडफोड गरेका हुन। स्रोतका अनुसार बुद्ध एयरको जहाज काठमाडौंबाट बिहान ११४० मा जनकपुर आउने र तत्कालै काठमाडौं फर्कने उडान सूची थियो ।
मृगौलाका बिरामी जनकपुरधाम उपमहानगरपालिका वडा नम्बर ४ का ६५ वर्षीय सौखीलाल चौधरी उपचारको लागि काठमाडौ जाने तयारी गदै विमानस्थल आएका थिए ।
निर्धारित समयको डेढ घण्टा बित्दा जहाज नआएपछि ती बिरामी छट्पट्टिए । बिरामी छट्पट्टिएको देखेपछि सांसद साहले आक्रोसित हुँदै बुद्ध एयरको काउन्टर तोड्फोड गरेका हुन ।
बिरामी छट्पट्टिएपछि सांसद साहले उडान छिटो गर्न सम्बन्धित निकायमा फोन समेत गरे । तर त्यसको सुनुवाई भएन ।
सांसद साहले त्यसपछि आक्रोसित हुँदै बुद्ध एयरको काउन्टर फुटाएका हुन ।
सांसद साहले विमानस्थलमा कर्मचारीको लापरवाहीका कारण बेला बखत त्यस्तो घटना हुने गरेको बताए ।
वि.सं.२०७६ असोज २७ सोमवार १८:०७ मा प्रकाशित