काठमाडौं । गैरआवासीय नेपाली संघ (एनआरएन)को अध्यक्षमा कुमार पन्त विजयी भएका छन् । पन्तले अर्का प्रत्यासी कुल आचार्यलाई हराउँदै विजयी भएका हुन।
त्यस्तै महासचिवमा डा. हेमराज शर्मा, उपाध्यक्षमा डा बद्री केसी, सोनाम लामा, अर्जुन श्रेष्ठ, र मन केसी, विजयी भएका छन । सचिवमा गौरी जोशी र आरके शर्मा, कोषाध्यक्षमा महेश श्रेष्ठ र सहकोषाध्यक्षमा लोकप्रसाद दाहाल विजयी भएका छन ।
जम्मा मतदाता सख्या २६ सय १३ रहेका थिए । हिजो सम्पन्न निर्वाचन विश्व सम्मेलनको क्रममा हिजो भएको मतदानमा २३ सय ४४ मत खसेको थियो ।
मतपरिणाम अनुसार मतदान ४२ पदका लागि भएकोमा निर्वाचनमा एक सय २ ले उम्मेदवारी दिएका थिए ।
२०७६ कात्तिक ०१ गते प्रकाशित
वि.सं.२०७६ कात्तिक १ शुक्रवार ११:१४ मा प्रकाशित