२०७६ कात्तिक ०३ गते प्रकाशित
काठमाडौं। लोकसेवा आयोगले ६८८ कर्मचारीका लागि विज्ञापन गरेको छ । २ सया १६ जन सहसचिव र ४ सय ७२ उपसचिव पदमा गरी ६ सय ८८ जना कर्मचारीका लागि दर्खास्त आह्वान गरेको हो ।
निजामति सेवाको प्रशासनतर्फ एक सय ८१ सहसचिव र तीन सय ९३ उपसचिव तथा स्वास्थ्य सेवातर्फ ३५ जना सहसचिव र ७९ उपसचिवका लागि विज्ञापन गरिएको हो। स्वास्थ्य सेवामा नवौं र एघारौं तहमा विज्ञापन खुलेका हुन ।
आयोगले प्राविधिक र अप्राविधिक पदका लागि एकैपटक ठूलो संख्यामा विज्ञापन गरेको छ। योग्यता पुगेकाहरूले मंसिर ३ गतेसम्म दरखास्त दिन सक्ने आयोगले निकालेको सूचनामा उल्लेख छ । दरखास्त फारम आयोगको वेवसाइटबाट डाउनलोड गर्न सकिन्छ ।
दरखास्त काठमाडौंस्थित केन्द्रीय कार्यालय र उपत्यका बाहिरका आयोगका कार्यालयमा पेश गर्न सकिने व्यवस्था मिलाइएको आयोगले जनाएको छ ।
दरखास्त शुल्क प्रथम श्रेणीका लागि एक हजार पाँच सय रूपैंयाँ र दोस्रो श्रेणीका लागि एक हजार दुई सय रूपैंया तोकिएको छ।
हेर्नुहोस विज्ञापन
[pdf-embedder url=”http://www.arthatantra.com/wp-content/uploads/2019/10/lok-sewa.pdf” title=”lok sewa”]
वि.सं.२०७६ कात्तिक ३ आइतवार १२:३५ मा प्रकाशित
