काठमाडौं । डुइङ बिजनेस इन्डेक्समा नेपाल १६ स्थान माथि उक्लिएको छ । गत वर्ष ११०औं स्थानमा रहेको नेपाल यस वर्ष ९४औँ स्थानमा उक्लिएको हो ।
१० सूचकाङ्कमध्ये नेपालले ५ मा सुधार गरेको छ । नेपालको अवस्था ३ सूचकाङ्कमा गिरावट र २ मा स्थिर रहेको छ । गत वर्ष नेपाल ५ स्थान तल खस्किएको थियो । अर्थमन्त्री युवराज खतिवडाले नेपालको स्तर खस्किएको विषयमा सार्वजनिक असन्तुष्टि जनाउनुभएको थियो ।
नेपालले यसवर्ष ६३ दशमलब २ अंक प्राप्त गरेको छ । यद्यपि सर्वाधिक आर्थिक सुधार गर्ने २० राष्ट्रमा नेपाल परेको छैन । उल्लेख्य सुधार गर्ने २० मुलुकमा भारत, पाकिस्तान, बंगलादेश, चीन छन ।
विश्व बैंकको यो चर्चित तर विवादास्पद अभ्यासले समग्र अर्थतन्त्रको गतिशीलता भने समेट्दैन । चार वर्षअघि १४२औं स्थानमा रहेको छिमेकी मुलुक भारत ६३औं स्थानमा उक्लिएको छ ।
दक्षिण एसियामा राम्रो आर्थिक उन्नति गरिरहेको बंगलादेश आज पनि पुछारतिर भेटिन्छ (१६८औं) भने श्रीलंका पनि नेपालभन्दा पछि छ ।
२०७६ कात्तिक ०७ गते प्रकाशित
वि.सं.२०७६ कात्तिक ७ बिहीवार ०९:३२ मा प्रकाशित