काठमाडौं । तिहार लगत्तै नेपालमा पोषणसम्बन्धी विश्व हुने भएको छ । सम्मेलनमा ८० देशका करिव १२ सय प्रतिनिधि भेला हुँदै छन ।
बढी पोषण पनि कुपोषण हो भन्ने सन्देशसमेत दिने गरी राष्ट्रिय योजना आयोगको आयोजनामा हुने सो सम्मेलनमा विभिन्न मुलुकका सरकारी प्रतिनिधि र विज्ञहरु सहभागी हुनेछन ।
काठमाडौंको होटल याक एण्ड यतिमा कात्तिक १८ गतेदेखि २१ गतेसम्म हुने सम्मेलनमा मुख्य चार वटा कार्यलय उल्लेख गरिएको छ ।
जसमध्ये अनुकुल राजनैतिक वातावरणको विस्तार र दिगोपना कायम गर्ने, पोषणको लागि योगदान पुर्याउने प्रभावकारी कार्यहरुलाई प्राथमिकता दिने र त्यसको संस्थगत व्यवस्था गर्ने, साझा नतिजा खाकासंग सामाञ्ज्स्यता हुने गरी तोकिएका कार्यहरु प्रभावकारी रुपमा कार्यान्वयन गर्ने र पोषणको लागि आर्थिक स्रोतको उल्लेखनीय रुपमा वृद्धि गर्ने र यसको प्रभावकारी रुपमा प्रयोग गर्ने लगायतका छन ।
प्रधानमन्त्री केपी शर्मा ओलीले उद्घाटन गर्ने सम्मेलनमा कुपोषणबाट मुक्ति पाउका लागि आवश्यक रणनीति तय गर्ने विषयमा चार दिनसम्म छलफल चल्ने योजना आयोगले पत्रकार सम्मेलन गरि उक्त जानकारी गराएको हो ।
नेपालमा हाल २८ दशमलव ६ प्रतिशत बालबालिका कुपोषणको शिकार बनेको सरकारी तथ्यांक छ । उनीहरुलाई त्यसबाट मुक्त गराउन पनि सो विश्व सम्मेलनले आवश्यक मार्ग निर्देशन गर्ने सरकारको अपेक्षा छ ।
‘पृथ्वी र मानवजाति दुवैलाई पोषित गर्ने’ मूल नाराका साथ आयोजना हुने सो विश्व सम्मेलनमा पोषणका क्षेत्रमा कार्यरत एक सयभन्दा बढि अन्तराष्ट्रिय संघ, संस्थाका प्रतिनिधिहरु पनि सहभागी हुनेछन ।
विस्तृत रुपमा हेर्नुहोस्
[pdf-embedder url=”http://www.arthatantra.com/wp-content/uploads/2019/10/SUNGG-1.pdf” title=”SUNGG 1″] [pdf-embedder url=”http://www.arthatantra.com/wp-content/uploads/2019/10/SUNGG-2.pdf” title=”SUNGG 2″] [pdf-embedder url=”http://www.arthatantra.com/wp-content/uploads/2019/10/SUNGG-3.pdf” title=”SUNGG 3″] [pdf-embedder url=”http://www.arthatantra.com/wp-content/uploads/2019/10/SUNGG-4.pdf” title=”SUNGG 4″] [pdf-embedder url=”http://www.arthatantra.com/wp-content/uploads/2019/10/SUNGG-5.pdf” title=”SUNGG 5″] [pdf-embedder url=”http://www.arthatantra.com/wp-content/uploads/2019/10/SUNGG-6.pdf” title=”SUNGG 6″] [pdf-embedder url=”http://www.arthatantra.com/wp-content/uploads/2019/10/SUNGG-7.pdf” title=”SUNGG 7″]
२०७६ कात्तिक १० गते प्रकाशित
वि.सं.२०७६ कात्तिक १० आइतवार १७:२० मा प्रकाशित
