काठमाडौं । गरिमा विकास बैंकले १७ प्रतिशत लाभांश दिने घोषणा गरेको छ । बैंकको बिहीबार बसेको सञ्चालक समिति बैठकले गत वर्षको नाफाबाट १६.१५ प्रतिशत बोनस सेयर र कर तिर्न ०.८५प्रतिशत नगद लाभांश दिने निर्णय गरेको हो ।
नियामक राष्ट्र बैंक र आगामी वार्षिक साधारण सभाले अनुमोदन गरेपछि लगानीकर्तालाई लाभांश वितरण गरिनेछ । बैंकले ४५ करोड ३ लाख २१ हजार ४३१ रुपैयाँ बराबरको बोनस वितरण गर्नेछ ।
यस्तै, २ करोड ३७ लाख १ हजार १२७ रुपैयाँ कर प्रयोजनका लागि नगद लाभांश बाँड्नेछ । हाल गरिमाको चुक्ता पुँजी २ अर्ब ७८ करोड ८३ लाख ७६७ हजार रुपैयाँ रहेको छ । बोनस वितरणपछि चुक्ता पुँजी ३ अर्ब २३ करोड ८६ लाख ८९ हजार ४२७ रुपैयाँ पुग्नेछ ।
२०७६ कात्तिक १५ गते प्रकाशित
वि.सं.२०७६ कात्तिक १५ शुक्रवार ११:४१ मा प्रकाशित
