काठमाडौं । प्रभु बैंकले मंसिर १६ गते १८ औ वार्षिक साधारणसभा डाकेको छ । बैंकको सञ्चालक समितिले यस अगाडि घोषणा गरेको १६ प्रतिशत बोनस शेयरको विशेष प्रस्ताव साधारणसभामा पेश गर्ने जनाएको छ ।
बैंकले एक अर्ब ४२ करोड रुपैयाँ बोनस शेयर दिएपछि चुक्ता पूँजी १० अर्ब ३१ करोड रुपैयाँ कायम हुने छ ।संस्थापक शेयरधनीको हिस्सा घटाउने विशेष प्रस्ताव साधारणसभामा पेश गरिने भएको छ ।
बैंकको यस अगाडि संस्थापक शेयर ५५ प्रतिशत र सर्वसाधारण शेयर ४५ प्रतिशत छ ।यस्तो अनुपात परिवर्तन गर्दै संस्थापकहरुको ५१ प्रतिशतमा झार्ने र सर्वसाधारणको ४९ प्रतिशत पुर्याउने बताइएको छ ।
यससँगै दोस्रो बजारमा बैंकको सर्वसाधारण शेयर धेरै हुनेछ । साधारणसभामा बैंकको चल अचल सम्पत्ति तथा दायित्व ‘डिडिए’ को मूल्याङ्कन गर्ने अख्तियारी सञ्चालक समितिलाई दिने विशेष प्रस्ताव पनि अगाडि सारिएको छ ।
डिडिएसँगै अन्य उपयुक्त बैंक तथा वित्तीय संस्थालाई गाभ्ने गाभिने प्रक्रिया अगाडि बढाउन पनि सञ्चालक समितिलाई अधिकार प्रदान गर्ने बैंकले जनाएको छ ।
बैंकले साधारणसभा प्रयोजनका लागि कात्तिक २६ गतेदेखि बुक क्लोज गर्ने भएको छ । कात्तिक २५ गतेसम्म कायम शेयरधनीहरुले बोनस शेयर प्राप्त गर्न सक्नेछ । साधारणसभा सम्पन्न नभएसम्मका लागि बुक क्लोज हुने बैंकले जनाएको छ ।
२०७६ कात्तिक १७ गते प्रकाशित
वि.सं.२०७६ कात्तिक १७ आइतवार ११:२७ मा प्रकाशित