काठमाडौँ । लक्ष्मी बैकले दुई आर्थिक वर्ष यताकै उच्च लाभांस प्रस्ताव गरेको छ । बैकले १५ प्रतिशत लाभांश प्रस्ताव गरेको हो । १० प्रतिशत बोनस शेयर र पाँच प्रतिशत नगद लाभांश रहेको बैंकले जनाएको छ ।
बैंकले प्रस्ताव गरेको लाभांश नेपाल राष्ट्र बैक र साधारण सभाबाट पारित भएपछि शेयरधनीले पाउने छन । यस अघि बैकले ८.९५ प्रतिशत र १०.५३ प्रतिशत लाभांश दिएको थियो ।
यो उसको दुई वर्ष यताकै उच्च प्रतिफल हो । आर्थिक वर्ष २०७०/७१ मा २१.०५ प्रतिशत सम्म लाभांश दिएको थियो । हाल बैकको शेयर क्यापिटल आठ अर्ब ९ करोड रुपैयाँ रहेको छ । बैकले नाफा बढाउँदै लगेको छ । गत वर्ष बैकले एक अर्ब ५७ करोड रुपैयाँ नाफा गरेको थियो ।
अघिल्लो वर्ष यही अवधिमा बैकको नाफा एक अर्ब १८ करोड रुपैयाँ रहेको थियो । प्रति शेयर आम्दानी १७ रुपैयाँ ६७ पैसा रहेको बैकको नेटवर्थ १४१.६७ रहेको छ ।
२०७६ कात्तिक १७ गते प्रकाशित
वि.सं.२०७६ कात्तिक १७ आइतवार १२:२२ मा प्रकाशित
