१३ खर्ब डलरको संसारकै सबभन्दा ठूलो आइपिओ सेयर बजारमा आउँदै

काठमाडौं । संसारमै सबभन्दा बढी नाफा कमाउने साउदी अरबको कम्पनी ’अरामको’ शेयर बजारमा आउने भएको छ ।कम्पनीले शेयर बजारमा आउन आइपिओ खोल्ने पुष्टि गरेको बिबिसीले जनाएको छ ।

यसो भएमा, यो संसारकै सबभन्दा ठूलो आइपिओ हुनसक्छ । साउदीको तेल कम्पनी अरामले आइतबार रियाद स्टक एक्सचेन्जमा सूचीबद्ध हुने योजना सुनाएको हो। यो कम्पनी साउदीका शाही परिवारको स्वामित्वमा छ।

कम्पनीले उसका शेयरबाट एक या दुई प्रतिशत मात्र उपलब्ध गराउन सक्ने अनुमान गरिएको छ। अरामकोको मूल्य करिब १३ खर्ब डलर भएको बताइन्छ।  यो संसारकै धनी कम्पनी मानिए पनि हालसम्म सार्वजनिक सेयर जारी नगरेकाले यसलाई धनीको सूचीमा राखिएको छैन।

हालसम्मको तथ्यांकअनुसार संसारकै धनी कम्पनी एप्पल हो जसले पोहोर मात्र आफ्नो सम्पत्ति १० खर्ब डलर र्पुयाएको थियो। यसपछि अमेजन र गुगल पनि यो सूचीमा परिसके।

अरामकोले शेयर जारी गर्ने भए पनि यो आन्तरिक बजारका निम्ति मात्र खुला हुनेछ। कम्पनीले विदेशी बजारमा अहिल्यै आइहाल्ने योजना बनाएको छैन।

’अन्तर्रा्ष्ट्रिय शेयर बजारमा आउनेबारे हामी पछि बताउनेछौं,’ कम्पनीका बोर्ड अध्यक्ष यासिर अल–रुम्यानले पत्रकार सम्मेलनमा भनेका छन । -विविसी

२०७६ कात्तिक १८ गते प्रकाशित

२०७६ कार्तिक १८ गते १५:०८ मा प्रकाशित

You can share this post!

प्राधिकरणको निर्णयले उद्योगीलाई यस्तो फाइदा, अब किस्ताबन्दीमा महसुल शूल्क !

सांग्रिला डेभलपमेन्ट बैकको धादिङस्थित गल्छी शाखाद्वारा रक्तदान

Related posts