काठमाडौं । नयाँ नेपाल लघुवित्तले लगानीकर्तालाई लाभांश प्रस्ताव गरेको छ । यस लघुवित्तले २० प्रतिशत बोनस सेयर र कर प्रयोजनका लागि १.०५२६ प्रतिशत नगद लाभांश प्रस्ताव गरेको छ ।
नयाँ नेपालको कात्तिक २० गते बसेको सञ्चालक समिति बैठकले उक्त लाभांश दिने प्रस्ताव गरेको हो । यस लघुवित्तले आर्थिक वर्ष २०७५/०७६ को नाफाबाट लाभांश प्रस्ताव गरेको हो । गत वर्ष पनि कम्पनीले २०प्रतिशत बोनस र कर तिर्न १.०५२६ प्रतिशत नगद लाभांश दिएको थियो ।
प्रस्तावित लाभांश नेपाल राष्ट्र बैंक र कम्पनीको आगामी साधारणसभाबाट पारित गरेपछि मात्रै लगानीकर्ताले पाउने छन ।
संस्थाले चालु आर्थिक वर्षको पहिलो त्रैमासमा ४२ लाख ३५ हजार रुपैयाँ खुद नाफा कामएको छ ।
यसअवधिमा यसको प्रतिसेयर आम्दानी २० रुपैयाँ १६ पैसा (वार्षिक) र प्रतिसेयर नेटवर्थ १५७ रुपैयाँ ५० पैसा छ ।
२०७६ कात्तिक २० गते प्रकाशित
वि.सं.२०७६ कात्तिक २० बुधवार ११:०५ मा प्रकाशित
