काठमाडौं । बाबा गोकर्णेश्वर यातायातले सुन्ताखान–रत्नपार्क रुटमा सेवा विस्तार गरेको छ । मंगलबारदेखि ६ वटा नयाँ बसमार्फत सेवा सुरु गरिएको कम्पनीमा अध्यक्ष भीम बस्नेतले जानकारी दिए ।
उनका अनुसार वडा कार्यालय र नगरपालिकाले कम्पनीलाई सुन्ताखानसम्म बस संचालनका लागि आग्रह गरेका थिए ।
सबैतिरबाट माग भएपछि नयाँ बस थपेर सेवा विस्तार गरिएको बस्नेतले जानकारी दिए । गोकर्णेश्वर नगरपालिका मेयर सन्तोष चालिसेले सेवा विस्तारको उद्घाटन गरेका थिए ।
कम्पनीका अनुसार बस सुन्ताखानबाट गोकर्ण–अत्तरखेल-जोरपाटी -बौद्ध- चावहिल- गौशाला-रातो पुल हुँदै रत्नपार्क पुग्नेछ भने रत्नपार्कबाट सोही रुट सुन्ताखान फर्कनेछ ।
करिव १६ किलोमिटरको यो रुटमा कम्पनीले ३० रुपैयाँ भाडादर तोकिएको छ । करिव तीन बर्ष अघि २० वटा बस मार्फत सेवा थालेको गोकर्णेश्वर यातायातले ९५ वटा बस मार्फत उपत्यका भित्रका विभिन्न रुटमा सेवा दिईरहेको छ ।
माकलबारीलाई केन्द्र बनाएर साँखु-रत्नपार्क -दक्षिणकाली, चक्रपथ परिक्रमा, माकलवारी रत्नपार्कर चक्रपथ लगायतका रुटहरुमा सेवा दिईरहेको छ ।
बस सेवा सुरु हुदा रुट पाउनै मुस्किल पर्ने अवस्था थियो। कम्पनीले जोरपाटी क्षेत्रमा चल्ने माईक्रो र साना बसको सिन्डिकेट तोड्दै सेवा थालेको थियो ।
२०७६ कात्तिक २० गते प्रकाशित
वि.सं.२०७६ कात्तिक २० बुधवार १६:१९ मा प्रकाशित
