काठमाडौं । सिभिल बैंकले ६.५७ प्रतिशत लाभांश दिने घोषणा गरेको छ । बैंकको बुधबार बसेको सञ्चालक समिति बैठकले गत वर्षको नाफाबाट ६.५७ प्रतिशत नगद लाभांश दिने निर्णय गरेको हो ।
यो गत वर्षको भन्दा बढी हो । गत वर्ष सिभिलले ४.०५ प्रतिशत नगद लाभांश दिएको थियो । नियामक राष्ट्र बैंक र आगामी साधारण सभाले अनुमोदन गरेपछि वितरण सुरु गरिनेछ ।
हाल यस बैंकको चुक्ता पुँजी ८ अर्ब ३३ लाख ८९ हजार ६७३ रुपैयाँ रहेको छ । बैंकले यही पुँजीबाट ५२ करोड ५८ लाख २२ हजार ७०१ रुपैयाँ नगद वितरण गर्न लागेको हो ।
२०७६ कात्तिक २१ गते प्रकाशित
वि.सं.२०७६ कात्तिक २१ बिहीवार १०:३८ मा प्रकाशित