काठमाडौं । पछिल्लो समयमा विभिन्न बैंक तथा वित्तीय संस्थाले धमाधम लाभांश घोषणा गरिरहेका छन् । बैंक तथा वित्तीय संस्थाहरुले आर्थिक वर्ष २०७५/०७६ को मुनाफाबाट लाभांश प्रस्ताव गरेका हुन ।
केहीले लाभांश घोषणा गरेर बुक क्लोजको मिति नै सार्वजनिक गरिसकेका छन् भने केहीले लाभांश मात्रै घोषणा गरेका छन ।
उनीहरुले घोषणा गरेको लाभांश लगानीकर्ताले भने सम्बन्धित कम्पनीको नियामक निकाय र उनीहरुको साधारण सभाले पारित गरेपछि मात्रै पाउने छन ।
बिहीबारसम्म ६९ वटा बढी बैंक तथा वित्तीय संस्थाले लाभांश घोषणा गरेका छन् । अहिलेसम्ममा लाभांश घोषणा गर्नेमा वाणिज्य बैैंक १९, विकास बैंक ४, माइक्रोफाइनान्स कम्पनी ३७, जलविद्युत लगायत अन्य ७ वटा कम्पनी रहेका छन। अन्य कम्पनीले पनि लाभांश घोषणा गर्ने क्रमलाई बढाएका छन ।
नेप्सेमा सूचिकृत २७ वटा बाणिज्य बैंकमध्ये अहिलेसम्म १९ वटाले मात्रै लाभांशको घोषणा गरेका छन् । ९ वटा बैंकले अहिलेसम्म लाभांशको घोषणा गरेका छैनन ।
लाभांश घोषणा गरेका बैंकहरुले यो वर्ष मेगा र स्टयान्र्डर्ड चार्टड बैंक र सिभिल बैंकले मात्रै नगद लाभांश दिएका छन । बाँकी बैंकहरुले भने बोनस र नगद नै दिएका छन ।
सेयर बजारमा गिरावट आइरहेको समयमा बैंकहरुले लगानीकर्तालाई बोनस दिँदा केही हदसम्म राहत महशुस हुने लगानीकर्ताको भनाई छ ।
हेर्नुहोस् कस्को कति ?
२०७६ कात्तिक २१ गते प्रकाशित
वि.सं.२०७६ कात्तिक २१ बिहीवार १३:५८ मा प्रकाशित
