काठमाडौं । संवैधानिक परिषद्को बैठक आज दिउँसो बस्दैछ । प्रधानमन्त्री तथा मन्त्रिपरिषद् कार्यालय सिंहदरबारमा दिउँसो १ बजे बैठक बस्ने परिषद् सदस्य एवं राष्ट्रियसभाका अध्यक्ष गणेशप्रसाद तिमिल्सिनाले जानकारी दिनुभयो ।
बैठकमा रिक्त रहेका विभिन्न संवैधानिक आयोगका पदाधिकारी नियुक्तिबारे छलफल हुने उहाँले जानकारी दिनुभयो ।संविधानमा व्यवस्था भएअनुरूप आदिवासी जनजाति, मधेसी, महिला, दलित, थारू, समावेशी र मुस्लिम आयोगमा पदाधिकारी नियुक्त हुन बाँकी छ ।
मधेसी, थारू र मुस्लिम आयोगका लागि अध्यक्ष नियुक्त भए पनि सदस्यहरू अझै नियुक्त भएका छैनन् । समावेशी आयोगका अध्यक्ष शान्तराज सुवेदीले राजीनामा दिएपछि यो पद पनि रिक्त रहेको छ ।
२०७६ कात्तिक २७ गते प्रकाशित
वि.सं.२०७६ कात्तिक २७ बुधवार १२:३३ मा प्रकाशित
