काठमाडौं । नेपाल इन्भेष्टमेन्ट बैंकको नाफा गत आर्थिक वर्षको पहिलो त्रैमासको तुलनामा १९.९३ प्रतिशतले खुम्चिएको छ । बैंकले तीन महिनाको अवधिमा ८४ करोड ४४ लाख रुपैयाँ नाफा आर्जन गरेको छ।
गत वर्ष पहिलो त्रैमासमै एक अर्ब ५ करोड रुपैयाँ नाफा गरेको थियो । व्याज आम्दानीको तुलनामा व्याज खर्चको बृद्धिदर कम हुँदा खुद व्याज आम्दानी चार प्रतिशतले घटेको छ ।
तीन महिनामा बैंकले एक अर्ब ५२ करोड रुपैयाँ खुद व्याज आम्दानी गरेको छ। गत वर्षको सोही अवधिमा एक अर्ब ५९ करोड रुपैयाँ आर्जन गरेको थियो ।
तीन महिनाको अवधिमा निक्षेप संकलन १.२९ प्रतिशतले बढ्दा कर्जा लगानी भने ५.८३ प्रतिशतले बढेको छ । पहिलो त्रैमासमा एक खर्ब ५१ अर्ब रुपैयाँ निक्षेप संकलन गरी एक अर्ब ३० अर्ब रुपैयाँ कर्जा लगानी गरेको छ ।
पूँजीकोष अनुपात केही बढेर १३.१७ प्रतिशत छ भने खराब कर्जा बढेर १.२१ प्रतिशतबाट २.८४ प्रतिशत पुगेको छ । खराव कर्जा बढ्दा बैंकको नाफामा प्रभाव पारेको हो ।
बैंकले पुरानै विधिबाट स्प्रेडदर गणना गरेको छ । सोहि अनुसार स्प्रेडदर घटेर ४.३६ प्रतिशत छ । प्रतिशेयर आम्दानी १३ रुपैयाँले घटेर २६ रुपैयाँ कायम भएको छ ।
२०७६ कात्तिक २९ गते प्रकाशित
वि.सं.२०७६ कात्तिक २९ शुक्रवार ११:१९ मा प्रकाशित