आइतबारबाट कर सप्ताह सुरु, यसरी मनाइँदै छ

काठमाडौं । आइतबारबाट कर सप्ताह सुरु हुने भएको छ । आन्तरिक राजस्व विभागले कर सप्ताहको सम्पूर्ण तयारी पुरा भएको जनाएको छ ।

नेपालमा मूल्य अभिवृद्धि कर सुरु गरेको अवसरमा ८ वर्षदेखि हरेक वर्ष मंसिर १ गते कर दिवस मनाउने गरिएको छ ।
नेपालमा २०५४ साल मंसिर १ गतेबाट मूल्य अभिवृद्धि कर कार्यान्वयनमा ल्याइएको थियो।

२०६९ कात्तिक २ गतेको मन्त्रिपरिषदको बैठकले हरेक वर्ष मंसिर १ गते कर दिवस मनाउने निर्णय गरेअनुरुप नै यो दिवस मनाउन लागिएको हो ।

आन्तरिक राजस्व विभागका महानिर्देशक विनोदबहादुर कुँवरले केन्द्रीयस्तरमा विभागको आयोजनामा र हरेक कार्यालयमा कार्यालयहरुले कर दिवसको विशेष कार्यक्रम गर्नेछन ।

यसैगरी निजी क्षेत्रका छाता संगठनले पनि कर दिवसका विभिन्न कार्यक्रम आयोजना गर्ने उनले जानकारी दिए । विभागले कर दिवसको अवसरमा मूल्य अभिवृद्धि कर, आयकरलगायतमा सबैभन्दा धेरै योगदान गर्ने व्यक्ति तथा संस्थालाई सम्मान गर्ने तयारी गरेको छ । ’यसको सम्पूर्ण तयारी पूरा भएको छ,’ महानिर्देशक कुँवरले भने ।

यसैगरी सम्पूर्ण कार्यालयहरुले पनि आफू मातहतका करदाताको सम्मान तथा जनचेतना अभिवृद्धि कार्यक्रम गर्नेछन । ’स्वच्छ कर प्रशासन, विकार सुशासन’ नारा दिएर यसपटकको कर दिवस मनाउन लागिएको पनि उनले जानकारी दिए ।

आन्तरिक राजस्व विभागका अनुसार यसपटक विभागलाई ५ खर्ब ६ अर्ब रुपैयाँ राजस्व संकलनको लक्ष्य दिइएको छ ।
विभागले लक्ष्यअनुसार नै राजस्व संकलनका लागि विभिन्न रणनीति तयार गरेर अघि बढिरहेको र कार्यालयहरुले पनि त्यसको परिपालना गरिरहेको पनि उनले जानकारी दिए ।

विभागले कर प्रणालीमा संरचनात्मक परिवर्तन गरी आयातमा निर्भर कर प्रणालीलाई क्रमश आन्तरिक आर्थिक क्रियाकलापमा आधारित तुल्याई कर प्रणालीमा रुपान्तरण गर्ने मूल्य लक्ष्यका साथ काम गरिरहेको छ। करको दायरा विस्तारलाई जोड दिइएको पनि उनले बताए ।

२०७६ कात्तिक ३० गते प्रकाशित

२०७६ कार्तिक ३० गते १७:३८ मा प्रकाशित

You can share this post!

चन्द्रागिरी हिल्स रिसोर्टलाई 'उत्कृष्ट अन्तर्राष्ट्रिय अवार्ड २०१९'

काठमाडौंको बानेश्वरमा मोटरसाइकल पल्टिँदा एक जनाको मृत्यु

Related posts