काठमाडौं । नेपालमा बजाज कम्पनीको मोटरसाइकलको अधिकृत विक्रेता एचएच बजाजले हालै मात्र बजारमा ल्याएको एनएस २००–एफआई सिरिजको मोटरसाइकलको भैरहवा क्षेत्रमा बिक्री तथा प्रवर्द्धन सुरु भएको छ ।
यस क्षेत्रको बितरक बज अटोमोबाइल्सले बिहीबार एक कार्यक्रमकाबीच सो मोटरसाइकल बिक्री एवं प्रवद्र्धन सुरु गरेको बज अटोका प्रबन्ध निर्देशक हरिबहादुर थापाले बताए ।
एचएच बजाजका देशैभरिका डिलरमार्फत एकैसाथ बिक्री एवं प्रवद्र्धन सुरु भएको यो मोटरसाइकलमा सिंगल सिलिन्डर र फोर स्ट्रोक छ ।
२०० सीसी इन्जिन क्षमताको यो मोटरसाइकलको माइलेज ५३ किमि प्रतिघन्टा छ । एक घन्टामा १३६ किमिसम्म गुड्न सक्ने क्षमता रहेको यो मोटरसाइकल कालो ग्रे, रेड ग्रे, ह्वाइट ऐंलो ग्रेमा उपलब्ध रहेको कम्पनीले जनाएको छ ।
स्पोर्टी बाइक चढ्न मन पराउने युवाहरूलाई लक्षित गरी बजाजले बजारमा ल्याएको यो मोटरसाइकल हिमाल, पहाड तराई जुनसुकै क्षेत्रमा सहज तरिकाले चलाउन सकिने गरी बनेको छ ।
यो मोटरसाइकलको इन्धन क्षमता १२ लिटर छ । नेपालमा यसको बजार मूल्य ३ लाख ५४ हजार ९ सय रुपैयाँ छ । बिक्री शुभारम्भ एवं प्रवद्र्धन कार्यक्रममा यो सिरिजको पहिलो बाइक खरिद गर्ने कमल आलेलाई चाबी हस्तान्तरण गरिएको थियो ।
बिक्री प्रवद्र्धन कार्यक्रममा मोटरसाइकल खरिद गर्ने ग्राहकलाई २ स्क्रयाच कुपन प्रदान गरिने र दुवै कुपनमध्ये पहिलोबाट ७ हजारदेखि १ लाख रुपैयाँसम्म र दोस्रो कुपनबाट १ हजार देखि १ लाखसम्म गरी कम्तीमा २ लाख रुपैयाँसम्म पुरस्कार जित्न सकिने योजना कायमै रहेको तथा मोटरसाइकल खरिदमा लेगगार्ड, २ लिटर पेट्रोल निःशुल्क तथा ७ पटकसम्म सर्भिस निःशुल्क गर्न सकिने व्यवस्था छ ।
२०७६ मंसिर ०३ गते प्रकाशित
वि.सं.२०७६ मंसिर ३ मंगलवार ११:४४ मा प्रकाशित
