back
NMB ad

सबै सामुदायिक विद्यालयको सबलीकरण गरिन्छ : मुख्यमन्त्री पौडेल

Kumari bank ad

हेटौँडा । प्रदेश ३ का मुख्यमन्त्री डोरमणि पौडेलले सरकारले प्रदेशभित्रका सबै सामुदायिक विद्यालयको सबलीकरण गर्ने बताएका छन् ।

हेटौँडा–१८ मा रहेको गोरक्षेश्वर माविमा प्राविधिक शिक्षा शुरुआत गर्ने उद्देश्यले आयोजित महयज्ञको उद्घाटन गर्दै मुख्यमन्त्री पौडेलले हरेक सामुदायिक विद्यालयको शिक्षा अन्तर्राष्ट्रियस्तरको हुनुपर्ने धारणा राखे । सामुदायिक विद्यालय कमजोर र निजी विद्यालय मजबुद हुँदै जाने प्रवृत्तिको अन्त्य हुनुपर्ने उनको भनाइ थियो ।

उनले विद्यालयलाई शान्तिक्षेत्रका रुपमा बुझेर कुनै पनि बहानामा विद्यालय बन्द गर्न नहुने धारणा राखे । विगतमा आफू शिक्षक रहेको स्मरण गर्दै मुख्यमन्त्री पौडेलले शिक्षक सङ्गठन विद्यालयमा राजनीति गर्नमात्र नखोलिएको उल्लेख गरे ।

मुख्यमन्त्री पौडेलले सरकारी विद्यालयले भौतिक पूर्वाधारका साथसाथै गुणस्तरीय शिक्षा दिएर निजी विद्यालयलाई निरुत्साहित गर्नुपर्ने बताए । उनले गुणस्तरीय शिक्षाका लागि विद्यालयका शिक्षक र विद्यालय व्यवस्थापनको ठूलो हात रहने भन्दै यसतर्फ ध्यान दिँदै निजी विद्यालयतर्फ आफ्ना बालबच्चा बढाउने अभिभावकलाई सरकारी विद्यालयतर्फ आकर्षित गराउन शैक्षिक गुणस्तरमा विशेष ध्यान दिनुपर्ने बताए ।

प्रदेश ३ का प्रमुख प्रतिपक्षी दलका नेता तथा महायज्ञ आयोजक मूल समारोह समितिका अध्यक्ष इन्द्रबहादुर बानियाँले विद्यार्थीले पढाइसँगै सीप पनि सिकोस् भन्न प्राविधिक शिक्षा आवश्यक पर्ने भएकाले प्राविधिक शिक्षा सञ्चालन गर्न लागिएको धारणा राखे ।

पण्डित दीनबन्धु पोखरेलले समृद्धिका लागि सीपमूलक शिक्षा आवश्यक रहेको बताए । हेटौँडा–१८ हर्नामाडी फुर्केचौरमा रहेको गोरक्षनाथ माविलाई प्राविधिक शिक्षालय बनाउन आजदेखि श्रीमद्भागवत सप्ताह ज्ञान महायज्ञ शुरु भएको हो ।

आजदेखि मङ्सिर १० गतेसम्म पण्डित दीनबन्धु पोख्रेलले वाचन गर्ने सप्ताह ज्ञान महायज्ञमा प्रदेशसभा सदस्य प्रेमबहादुर पुलामी, हेटौँडा–१८ का वडाध्यक्ष अनिल बानियाँ, विद्यालय व्यवस्थापन समितिका अध्यक्ष शैलेन्द्रराज बानियाँ, समाजसेवी हर्क रम्तेल, त्यसै विद्यालयकी कक्षा २ मा अध्ययनरत छात्रा कुसुम भोम्जनलगायतले मन्तव्य व्यक्त गरेका थिए ।

यसैबीच सप्ताह ज्ञानमहायज्ञको शुरुआत भएको पहिलो दिनमै २२ लाख ५० हजार सङ्कलन भएको छ । महायज्ञमा विद्यालयका संस्थापक अध्यक्ष सुरेन्द्रराज बानियाँले १० लाख रकम बराबरको एक कट्ठा जग्गादान गर्नुभएको छ भने मूल समारोह समितिका अध्यक्ष इन्द्रबहादुर बानियाँबाट १ लाख, हेटौँडा–१८ का मुक्तिप्रसाद चौलागाईंबाट २ लाख ५१ हजार, विद्यालयका शिक्षक कर्मचारीहरुबाट चार लाख आठ हजार, विद्यालयका संस्थापक जगतबहादुर थापाबाट रु ५ लाख सङ्कलन भएको हो ।

२०७६ मंसिर ०४ गते प्रकाशित

वि.सं.२०७६ मंसिर ४ बुधवार ०६:४४ मा प्रकाशित

You can share this post!

पुल अलपत्र बनाउने निर्माण कम्पनी कालोसूचीमा   

पुल अलपत्र बनाउने निर्माण कम्पनी कालोसूचीमा   

वि.सं.२०८० चैत १५ बिहीवार २१:२७

म्याग्दी, १५ चैत : मुस्ताङको थासाङ गाउँपालिकाको कैकु र लार्जुङखोलाको...

सरकारले तोक्यो चैते धानको मूल्य   

सरकारले तोक्यो चैते धानको मूल्य   

वि.सं.२०८० चैत १५ बिहीवार २१:२३

काठमाडौँ, १५ चैत : सरकारले चैते धानको समर्थन मूल्य तोकेको...

करका दरमा एकरुपता कायम गर्न अध्ययन गर्ने सरकारको तयारी   

करका दरमा एकरुपता कायम गर्न अध्ययन गर्ने सरकारको तयारी   

वि.सं.२०८० चैत १५ बिहीवार २१:१९

काठमाडौँ, १५ चैत : सरकारले करको दरमा एकरुपता कायम गर्नका...

होटललाई उद्योगको मान्यता दिन व्यवसायीको माग   

होटललाई उद्योगको मान्यता दिन व्यवसायीको माग   

वि.सं.२०८० चैत १५ बिहीवार २१:१३

काठमाडौँ, १५ चैत : उद्योगी व्यवसायीले होटल क्षेत्रलाई उद्योगसरह कानुनी...

एमडिएमएसमा अनियमितता : दुई पूर्व अध्यक्षसहित बीस जनाविरुद्ध मुद्दा दायर   

एमडिएमएसमा अनियमितता : दुई पूर्व अध्यक्षसहित बीस जनाविरुद्ध मुद्दा दायर   

वि.सं.२०८० चैत १५ बिहीवार २१:०८

काठमाडौँ, १५ चैत : अख्तियार दुरुपयोग अनुसन्धान आयोगले नेपाल दूरसञ्चार...

आईपीओ निष्काशन गर्दै सिद्धि हाइड्रो, बिक्री प्रबन्धकमा सिटिजन्स क्यापिटल

आईपीओ निष्काशन गर्दै सिद्धि हाइड्रो, बिक्री प्रबन्धकमा सिटिजन्स क्यापिटल

वि.सं.२०८० चैत १५ बिहीवार १६:२५

काठमाडौं । सिद्धि हाइड्रो कम्पनी लिमिटेडले आईपीओ निष्काशन गर्ने भएको...