एनएमबि सुलभ इन्भेष्टमेन्ट फण्ड–१ परिपक्क, १६ कम्पनीको शेयर लिलामीमा

काठमाडौं । एनएमबि सुलभ इन्भेष्टमेन्ट फण्ड–१ कार्तिक २ गतेदेखि परिपक्क भएपछि कोष व्यवस्थापक एनएमबि क्यापिटलले आफ्नो स्वामित्वमा रहेका १६ कम्पनीको शेयर मंसिर ५ गतेदेखि लिलामी बढाबढ मार्फत बिक्रीमा ल्याएको छ ।

कोषले ११ कम्पनीको ४७ हजार ६७० कित्ता शेयर र पाँच बैंकको एक लाख ७४ हजार कित्ता डिबेञ्चर लिलामी मार्फत बिक्री गर्न लागेका हो ।

जसमा दुई वाणिज्य बैंक, तीन विकास बैक, ५ वटा लघुवित्त कम्पनी र लाईफ इन्स्योरेन्स कर्पोरेसन (नेपाल) को साधारण शेयर रहेका छ ।

फण्डले आफ्ना ईकाईधनीहरुको रकम फिर्ता गर्न उक्त कम्पनीहरुको शेयर लिलामी गर्ने भएको हो। इच्छुक लगानीकर्ताले मंसिर ५ गते विहीबारदेखि मंसिर ११ गते बुधबारसम्म आवेदन गर्न पाउनेछन् । उक्त बोलपत्र मंसिर १२ गते खुला गरिने जनाइएको छ ।

क्यापिटलले अधिकांश शेयरहरु दोस्रो बजार मार्फत बिक्री गरेको भएको पनि हालै घोषित बोनस, सूचीकृत हुन बाँकी हकप्रद तथा मर्जरको क्रममा रहेका केही कम्पनीहरुको शेयर मात्र लिलामी गर्न लागेको बताएको छ ।

क्यापिटलले लिलामीमा गर्न लागेको कम्पनीहरुको न्यूनतम शेयरको मूल्य प्रतिकित्ता एक सय रुपैयाँ र ऋणपत्रको न्यूनतम एक हजार रुपैयाँ भन्दा धेरै मूल्य तोकिएको छ । सो वा सो भन्दा बढी प्रतिस्पर्धि मूल्यमा लगानीकर्ताले आवेदन गर्न सक्नेछन् ।

२०७६ मंसिर ०५ गते प्रकाशित

२०७६ मंशिर ५ गते १३:०६ मा प्रकाशित

You can share this post!

जनउत्थान सामुदायिकको बोनस नेप्सेमा सूचीकृत

बूढीगण्डकीको मुआव्जा माग्दै बाबुराम भट्टराईसहित धादिङ र गोरखाका संसादहरु धर्नामा

Related posts