२०७६ मंसिर १० गते प्रकाशित
काठमाडौं । युनाइटेड इन्सुरेन्सको आज मंगलबार (मंसिर १० गते) बाट ४ लाख ९९ हजार १९२.६० कित्ता सेयर लिलामी बिक्री खुला भएको छ ।
यसमा १ लाख ५७ हजार ६४९.६० कित्ता संस्थापक र ३ लाख ४१ हजार ५४३ कित्ता सेयर सर्वसाधरण समूहको छ । कम्पनीले २४० प्रतिशत हकप्रद सेयर जारी गर्दा सबै बिक्री नभएपछि त्यसलाई लिलामी प्रक्रियाबाट बिक्रीमा ल्याइएको हो ।
यसमा मंसिर १७ गतेसम्म आवेदन दिन पाइनेछ । कम्पनीले गत भदौ ३ गतेदेखि असोज २३ गतेसम्म ७२ लाख ५७ हजार ६०० कित्ता (२४०५) हकप्रद सेयर बिक्री गरेको थियो ।
यसको न्यूनतम अंकित मूल्य १ सय रुपैयाँ तोकिएको छ । लगानीकर्ताले न्यूनतम १ सय रुपैयाँलाई आधार मानेर बोलकबोल गर्नुपर्छ । यसमा एनएमबि क्यापिटल नागपोखरी काठमाडौंबाट आवेदन दिन सकिनेछ ।
त्यसैगरी, एनएमबि बैंकको झापा, जनकपुर, चितवन, बाग्लुङ्ग, घोराही, सुर्खेत र महेनद्रनगरबाट पनि आवेदन दिन सकिनेछ ।
एनएमबिकै विराटनगर, वीरगञ्ज, हेटौडा, पोखरा, बुटवल, नेपालगञ्ज र धनगढी शाखाबाट पनि लिलामी सेयरमा आवेदन दिन सकिनेछ ।
वि.सं.२०७६ मंसिर १० मंगलवार १०:२६ मा प्रकाशित