काठमाडौं । ग्लोबल आइएमई बैंकले वैदेशिक रोजगारमा गएका तथा विदेशमा बस्ने नेपालीहरुका लागि ग्लोबल आइएमई जन्मभूमि घर कर्जा ल्याएको छ ।
यो योजनाअन्तर्गत उनीहरुलाई आवश्यक कागजात पेश गरेको तीन दिनभित्र घर कर्जा उपलब्ध गराइने छ । न्यूनतम व्याजदरमा सहज रुपमा पाप्त गर्न सकिने जन्मभूमि घर कर्जाले रेमिट्यान्सलाई बैंकिङ्ग च्यानलबाट भित्र्याउन मद्दत पुग्ने बैंकले विश्वास लिएको छ ।
यो घर कर्जा वैदेशिक रोजगारबाट प्राप्त आयको आधारमा भारतसहित विभिन्न देशमा बस्ने नेपालीका परिवारलाई प्रदान गरिने बैंकले जनाएको छ । जन्मभूमि घर कर्जा ग्लोबल आइएमई बैंकको सबै शाखाबाट प्राप्त हुने भएको छ।
२०७६ मंसिर १० गते प्रकाशित
वि.सं.२०७६ मंसिर १० मंगलवार ११:२३ मा प्रकाशित