काठमाडौं । पोखरा फाइनान्सले गत वर्षको नाफाबाट लगानीकर्तालाई लाभांश प्रस्ताव गरेको छ । इनान्सको मंसिर १३ गते शुक्रबार बसेको सञ्चालक समिति बैठकले १४.२० प्रतिशत लाभांश प्रस्ताव गरेको हो ।
जसमा ७ प्रतिशत बोनस सेयर र कर प्रयोजन सहित ७.२० प्रतिशत नगद लभांश हुनेछ । पोखरा फाइनान्सले हाल कायम ८५ करोड ७२ लाख ७२ हजार रुपैयाँ चुक्ता पुँजीबाट ६ करोड ९ हजार रुपैयाँ बराबरको बोनस र ६ करोड १७ लाख २३ हजार रुपैयाँ नगद लाभांश दिन लागेको हो ।
प्रस्तावित लाभांश लगानीकर्ताले नेपाल राष्ट्र बैंक र फाइनान्सको आगामी वार्षिक साधारण सभाले पारित गरेपछि पाउनेछन् । पोखरा फाइनान्सको लाभांश दर गत वर्ष भन्दा केही बढेको छ । गत वर्ष यसले १३.६८ प्रतिशत लाभांश दिएको थियो ।
पोखरा फाइनान्सले चालु आर्थिक बर्षको पहिलो त्रैमासमा २ करोड ९३ लाख ५९ हजार ५ सय ७५ रुपैयाँ नाफा खुद कमाएको छ । यो गत वर्षको भन्दा २३.६५ प्रतिशत ले धेरै हो । प्रतिसेयर आम्दानी १३ रुपैयाँ ७० पैसा (वार्षिक) रहेको यसको प्रतिसेयर नेटवर्थ १४४ रुपैयाँ ९८ पैसा छ ।
२०७६ मंसिर १३ गते प्रकाशित
वि.सं.२०७६ मंसिर १३ शुक्रवार १०:५२ मा प्रकाशित
