काठमाडौं । सेन्चुरी कमर्सियल बैंकका केही संस्थापक सेयरधनीले आफ्नो स्वामित्वको सेयर बिक्री गर्ने भएका छन् । ती संस्थापकहरुले बिक्री गर्न लागिएको सेयर संख्या र बिक्री मूल्य भने खुलाइएको छैन ।
यसमा संस्थापक सेयरधनीले मात्र आवेदन दिन सक्नेछन । सेयर खरिद गर्न इन्छुक संस्थापक सेयरधनीले ३५ दिनभित्र बैंकको केन्द्रीय कार्यालय पुतलीसडक काठमाडौंमा निवेदन दिनुपर्नेछ ।
यस अवधिमा कुनै पनि संस्थापकबाट आवेदन नपरेमा भने सर्वसाधारण लगानीकर्तालाई बिक्री खुला गरिने बैंकको भनाई छ । हाल यस बैंकको चुक्ता पुँजी ८ अर्ब ४१ करोड ५४ लाख रुपैयाँ छ ।
चालु आर्थिक वर्षको पहिलो त्रैमासमा बैंकले ३७ करोड ८ लाख १५ हजार रुपैयाँ नाफा कमाएको छ । यसको प्रतिसेयर आम्दानी १७ रुपैयाँ ६३ पैसा (वार्षिक) पैसा र प्रतिसेयर नेटवर्थ १२१ रुपैयाँ ३९ पैसा छ ।
२०७६ मंसिर १३ गते प्रकाशित
वि.सं.२०७६ मंसिर १३ शुक्रवार १३:५४ मा प्रकाशित