काठमाडौं । सुनको भाउ एकैदिन तोलामा ८ सय रुपैयाँ बढेको छ । नेपाल सुनचाँदी व्यवसायी महासंघका अनुसार बुधबार छापावाल सुन प्रतितोला ७२ हजार २ सय रुपैयाँमा कारोबार भएको छ ।
पछिल्लो केही दिन घटेको सुनको भाउ मंगलबार स्थिर थियो । तर बुधबार फेरि एकाएक वृद्धि भएको हो । यस्तै, तेजाबी सुनको भाउ पनि प्रतितोला ८ सय रुपैयाँले बढेर ७१ हजार ९ सय रुपैयाँमा कारोबार भएको छ ।
मंगलबार तेजाबी सुनको भाउ ७१ हजार १ सय रुपैयाँमा कारोबार भएको थियो । यता, चाँदीको भाउ प्रतितोला १५ रुपैयाँले बढेर ८ सय ६५ रुपैयाँ पुगेको छ ।
२०७६ मंसिर १८ गते प्रकाशित
वि.सं.२०७६ मंसिर १८ बुधवार १०:५६ मा प्रकाशित