अटोमोवाइल क्षेत्र एकाएक तरङ्गित, अध्यक्षमा एकै प्यानलका दुलाल र कपुरीविच भिडन्त

काठमाडौं । नाडा अटोमोवाइल्स एसोसिएसन अफ नेपालको अघिल्लो निर्वाचनमा एकै प्यानलबाट उपाध्यक्षमा निर्वाचित भएका कृष्ण प्रसाद दुलाल र प्रकाश कपुरी अध्यक्षमा भिड्ने भएका छन् ।

दुलाल पहिलेदेखि नै अध्यक्षको आकांक्षि थिए भने कपुरीले अन्तिम समय अध्यक्षमा उमेद्वारी दिने घोषण गरे । यससँगै अटोमोवाइल क्षेत्र एकाएक तरङ्गित बनेको हो । दुलाल र कपुरी दुवै शम्भु दाहालको कार्यकालमा उपाध्यक्ष थिए ।

आफुले उमेदवारी दिनेमा दई मत नभएको अध्यक्षको आकांक्षी कृष्ण प्रसाद दुलाल बताउँछन् ‘प्रकाशजीको कार्य समितिमै बसेर काम गर्ने चाहाना हो। उहाँ अहिले उपाध्यक्ष भएकोले सदस्य बन्नुस भन्न पनि मिल्दैन। म पनि नेतृत्वको लागि सक्षम छु । त्यसकारण यसको फैसला निर्वाचनले नै गर्छ,’ दुलालले भने ।

अध्यक्षको लागि आफू सक्षम भएको र शत प्रतिशत उमेदवारी दिने अध्यक्षका अर्का प्रत्यासी प्रकाश कपुरीले बताए । दुलाल निकट स्रोतअनुसार देशका ठूला अटोमोवाइल कम्पनीहरु दुलालका पक्षमा छन् । निराकर श्रेष्ठ, आकाश गोल्छा, करण चौधरी, अभिक ज्योती, नाडाका वर्तमान अध्यक्ष शम्भु दाहाल लगायत दुलालको पक्षमा रहेको स्रोतले जनाएको छ ।

त्यस्तै, उद्योग वाणिज्य महासघंका वरिष्ठ उपाध्यक्ष शेखर गोल्छाले पनि दुलाललाई समर्थन गर्ने अनुमान गरिएको छ ।
अगामि पौस ४ गते नाडाको ४३ औ वार्षिक साधारण सभा तथा केन्द्रिय कार्य समितीको निर्वाचन हुँदै छ ।

२०७६ मंसिर १८ गते प्रकाशित

२०७६ मंशिर १८ गते १६:३३ मा प्रकाशित

You can share this post!

सागमा सक्षम कार्कीले दिलाए १०० औं स्वर्ण

तेक्वान्दाेमा सक्षमकाे पदकसँगै अहिलेसम्म सागमा नेपालकाे स्वर्ण १०० पुग्याे (सूचीसहित)

Related posts