२०७६ मंसिर २३ गते प्रकाशित
काठमाडौं । नागरिक लगानी कोषले आफनो स्वामित्वमा रहेको लाइफ इन्स्योरेन्स कर्पोरेशन (नेपाल) लिमिटेड (एलआईसी) को संस्थापक सेयर बिक्री गर्ने भएको छ ।
यसअघि माग गरेको संस्थापक सेयर पुरा बिक्री नभएपछि एलआईसीले पुनः बोलपत्र आब्हान गरेको छ । एलआईसीमा कोषको ५० हजार कित्ता संस्थापक सेयर छ ।
संस्थापक सेयरको न्युनतम मूल्य प्रतिकित्ता १ हजार ४९५ रुपैयाँ तोकिएको छ । १५ दिनभित्र अर्थात पुस ७ गतेसम्म आवेदन दिन पाइने एलआईसीले जनाएको छ ।
बैंक तथा वित्तीय संस्था र बिमा कम्पनीले खरिद गर्न पाउन छन । न्युनतम १०० र अधिकतम सबै सेयर खरिद गर्न पाउने कम्पनीले जनाएको छ ।
वि.सं.२०७६ मंसिर २३ सोमवार १३:४३ मा प्रकाशित